DAVAO CITY – Gitangtang na sa lokal nga kagamhanan ang pagpatuman ug MODIFIED LIQUOR BAN kini human nga gipagula na ang Executive order No. 5 Series of 2022.
Nagpasabot sumala pa kini nga mamahimo na nga mag-serve ug alak ang mga restaurants, bars, videokes, hotels, ug tanan nga mga establisyemento dinhi sa dakbayan.
Apan padayon sumala pa nga i-ban ang pag-inom ug alak sa mga parke, dalan, alleys, pathways, ug susama nga mga areas.
Epektibo ang nahisgutan nga kamandoan kaganinang alas dose sa kaadlawon.
Kahinumduman nga hugtanon nga gidili ang pag-inom ug alak sa mga pampublikong lugar sukad nga nagsugod ang pandemiya kaniadtong 2020 kini tungod kini sumala pa ang hinungdan nga transmission sa kagaw sanglit adunay posibilidad nga mangalagpot ang laway panahon nga mo-istorya.
