DAVAO CITY – Bisan nga mihinay na karon ang puwersa sa mga rebeldeng grupo gumikan sa pagkamatay sa pipila ka mga lider niini ilabi na dinhi sa Davao region, pabilin pa gihapon nga magpakatag ug mga sakop sa kasundalohan sa pipila ka mga lugar sa rehiyon ilabi karon nga nagsingabot na sab ang National ug Local election diin posibleng adunay ipahigayon nga extortion activities ang mga nahibilin nga puwersa sa mga rebelde.
Kinahanglan sumala pa nga pabilin pa gihapon nga alerto ang kasundalohan sa pagbungkag sa mga dili maayong binuhatan sa mga rebelde bisan nga mihuyang na ang puwersa niini.
Nasayran nga kaniadtong tuig 2016, nakaatbang sa mga rebelde ang siyam ka mga Sub-Regional Command, 17 guerilla fronts, 6 Pulang Bagani Companies nga gilangkuban sa 33 NPA platoons.
Apan sukad nga nagbaylo ang administrasyon ug gipatuman ang whole of nation approach o ang EO 70 o mas nailang National Task Force to End local Communist Armed Conflict, miubos na karon ang SRC sa 3, samtang na lamang sa lima ang Guerrilla Fronts , SRGU ang anaa na lamang sa 2 nga gilangkuban sa 7 sa NPA platoons ug nabugkang ang SRGU ug Pulang Bagani Command.
Gikanayong ang pag-ubos sa mga atrocities ug NPA-initiated violent activities ang tungod sumala pa sa walay undang nga pagpaningkamut ug military operation sa ilang area of responsibility.
Gikanayong sa 1st quarter sa 2021 adunay 132 ka mga insidente nga natala kung itandi sa unang quarter karung tuiga nga anaa sa 46 ka insidente.
Naglaum na lamang karon ang 10th ID nga magpadayon ang pag-ubos sa insurhensiya ayha pa paman mukanaug sa iyang katungdanan si Pangulong Rodrigo Duterte.
