DAVAO CITY – Naa na karon sa pag-atiman sa buhatan sa Department of Environment and Natural Resources (DENNR) 11 ang duha ka mga sawa nga nakuha gikan sa usaka pinoy-anan sa Matina Crossing ning dakbayan sa Dabaw.
kahinumduman nga niadtong milabay nga adlaw na-rescue sa mga ginsakupan sa Talomo Police station ug sapesonahe sa DENR 11 ang nahisgutang duha ka mga dagkong bitin nga gi-atiman sa usaka pamilya nga nagpuyo sa Golden Valley, Arroyo Compound, Barangay Matina Crossing ning dakbayan sa Dabaw.
Gikanayon sa kapulisan nga gilusad nila ang operasyon human makadawat ug reklamo nga adunay usaka pamilya sa nahisgutang dapit ang nag-atiman ug mga dagkong bitin sa ilang pinoy-anan.
Atol sa operayson nakuha sa mga otoridad ang usaka sawa nga gisulod sa kulangan ug naa gibutang sa sulod sa balay, samtang ang usa ka lain pang sawa ang naa sa gawas sa balay ug gibutang gihapon sa usaka kulungan.
Gikanayon sa DENR, nailhan ang duha ka mga sawa nga Philippine Reticulated Python ug apil sa Other Threatened Species ilalom sa DENR administrative order 2019-19.
Samtajng subay sa Republic Act 9147 o Wildlife Resources Conservation and Protection Act, hugtanong gidili ang pag-atiman sa unsa man nga sama niini.
