DAVAO CITY – Padayon karon nga nadungagan ang ihap sa mga indibidwal nga nakalapas sa gipatuman nga Commission on Elections (Comelec) gun ban.
Sumala sa DCPO, mikabat na sa 15 ka mga indibidwal ang nasikop diin kadaghanan niini ang nababagan samtang milatas sa checkpoint pasulod dinhi sa siyudad.
Una ng gibutyag ni DCPO spokesperson Maria Teresita Gaspan nga kadaghanan sa mga nadakpan tungod human nga temporaryo nga gisuspende karon ang pagpatuman sa permit to carry firearms outside of residence (PTCFOR) sukad nga gisugdan ang pagpatuman niini kaniadtong Enero 9.
Pipila sab sa mga nasikop ang walay gihuptan nga mga lisensiya sa armas atol sa police raids, checkpoints, ug search warrants.
Ang mga nadakpan susama nga mag-atubang ug kalapasan sa Republic Act 10591 o illegal possession of firearms and ammunition.
Kahinumduman nga panahon nga nagsingabot na ang eleksiyon, hugtanon nga gidili ang pagdala o pagbiyahe sa mga dili lisensiyado nga armas ilabi na kung dili kini otorisado sa komisyon.
Una na sab nga gibutyag sa DCPO nga sa kasamtangan, wala matud pay lugar dinhi sa dakbayan sa Davao nga gipailalom sa Election Watch list Areas (EWAs) kini tungod malinawon sumala pa ang siyudad ug walay natalang kagubot sa milabay nga duruha ka eleksiyon.
