DAVAO CITY – Ipahigayon sa Provincial Health Office ang survey sa matag balay sa mga barangay nga apektado sa diarrhea outbreak aron masayran ang hydration status sa mga residente niini.
Subay sa pinaka-ulahi nga listahan sa provincial health office kagahapon Pebrero 7, 2022 miabot na sa 491 ka mga tawo ang nagkasakit ug unom na ang namatay.
Migawas sa gihimong test sa department of health davao region, positibo sa cholera ang mga samples nga gikuha gikan sa mga biktima nga nakasinati ug diarrhea sa Cara Davao Oriental sukad pa niadtong milabay nga semana.
Gikanayon ni Dr Reden Bersaldo, ang provincial health officer sa davao oriental nagpabilin pa sa balay tambalan ang 230 ka mga biktima.
Samtang, mipahigayon na usab ug massive emergency health response ang lokal nga kagamahann sa probensiya sa aron hinanali nga mhaatagan ug aksiyon ang nasinatiang cholera outbreak.
Aron mapugngan ang mas pagkatag pa sa waterborne disease, mipadala na ug dugang doktor, nurses ug mga medical staff sa nahisgutang dapit.
Sa karon, ginatun-an na sa lokal nga kagamhanan kung angayan bang ipa-ilalom sa state of calamity ang lugar.
Gibutangan na usab ang tambal ang tubig sa lugar aron malimpyuhan ang tubig ug luwas kining ma-inum s amga residente.
