DAVAO CITY – Gipahugtan pa karon sa Mati City Davao Oriental ang mga lakang aron lamang masiguro nga dili musaka ang kaso sa Omicron variant sa Covid-19 sa lalawigan.
Tipik lamang kini human nga anaa na sa pito ang natalang kaso sa mas makatakud nga kagaw.
Sa kasamtangan nagapatuman ug granular lockdown ang lalawigan sa mga dapit diin natala ang kaso ingon man gipakusgan na sab nila ang vaccination aron lamang masiguro nga dali sab nila nga maangkon ang herd immunity.
Una ng nasayran sa Mati LGU nga sa pito ka mga kaso sa Omicron sa lalawigan, unom niini ang gikan sa usa lamang ka pamilya.
Nasayran nga adunay bisita ang maong pamilya kaniadtong holiday season ug Tanan 12 ka mga closed contacts niini ang susama sab nga nagpositibo.
Hinuon tanan sumala pa nga mga close contact ang nakarekober na sab sa kasamtangan.
Samtang laing usa ka kaso sa Omicron mao ang usa ka Returning Overseas Filipino nga residente sab sa Mati City.
Sagad sumala pa sa mga nagpositibo ang gipailalom sa Home Quarantine ug wala na gidala sa isolation facility o sa ospital sanglit nakasinate lamang ang mga nahisgutan ug mild symptoms samtang ang uban ang asymptomatic.
