DAVAO CITY – Subli nga gi-deploy ang mga personahe sa Special Rescue Force- 11 (team A and B ) sa BFP-11 sa mga lugar nga apektado sa milabay nga Bagyong Odette arun nga mutabang sa nagpadayon nga clearing operation sa lugar ilabi sa Siargao island.
Una ng gipangunahan ni Supt. Vilner Avillon, Provincial Fire Director sa Davao del Norte ang seremonya alang sa pag-deploy sa mga nahisgutan.
Ang nahisgutan nga team ang gimandoan nga muadto sa Siargao Island alang sa clearing operations ug community assistance sa mga dapit nga grabeng gikuso-kuso sa bagyong “Odette” ug mouli lamang ang mga nahisgutan sa higayon nga matapos na ang ilang operasyon.
Nasayran nga ang Panabo City F/S Rosenbauer Firetruck adunay sakay nga siyam ka mga personahe dala ang pipila ka mga kagamitan.
Gipasalig sa team nga buhaton nila ang tanan aron lamang mahatagan ug assistance ug uban pang serbisyo ang mga residente nga labing naapektohan sa bagyo.
Kahinumduman nga daghanang mga punoan sa kahoy ang nangatumba sa mga lugar nga apektado sa Bagyo hinungdan nga pipila sa mga kadalanan ang lisud nga maagi-an ug mga sakyanan ug dili sab dayon mahatag ang gikinahanglan nga hinabang sa mga apektadong residente.
