DAVAO CITY – Nakadesisyon karon ang lokal nga kagamhanan nga subling ipatuman ang 14 day facility-based quarantine alang sa repatriated overseas Filipino workers (OFWs) human ang bahad sa Omicron variant of coronavirus disease (COVID-19).
Sumala pa kang Dr. Michelle Schlosser, tigpamaba sa COVID-19 Task Force ning siyudad, nga ipaubos lamang karon ang quarantine period ngadto sa lima ka adlaw human nga miubos na sab ang kaso sa Covid dinhi sa dakbayan ug sa pipila ka bahin sa nasod.
Apan tungod sa bahad sa Omicron gikan sa South Africa, laraw karon sa siyudad ang ibalik ang two-week facility-based quarantine aron lamang mapugngan ang posibleng pagsulod niini sa siyudad.
Una ng gibutyag ni Generose Tecson, hepe sa City Tourism Office ug head sa Airport Monitoring Team, nga tanan nga mga moabot nga repatriated OFWs ang dad-on sa hotels nga nagsilbing quarantine facilities sa higayon nga moabot kini sa tugpahanan.
Ayha sumala pa papauli-on ang mga nahisgutan, kinahanglan nga kompletuhon una nila ang quarantine period ug kung mag-negatibo sila sa infection.
Una ng gibutyag sa Department of Health nga wala pa silay natalang kaso sa Omicron o B.1.1.529 gikan sa 48 samples nga gipailalom sa test sa University of the Philippines – Philippine Genome Center (UP-PGC) sa milabay nga Disyembre 8.
Sa nahisgutan nga samples, 38 niini ang Delta variant cases samtang ang uban mga non-variant of concern lineages o walay lineages ang na-detect.
Gikanayong ang mga samples ang gikan sa 12 ka mga returning overseas Filipinos (ROFs) ug 36 local cases ang gikan sa areas nga adunay high-risk average daily attack rates ug case clusters.
