DAVAO CITY – Magpadayon ang gipahigayon nga pagbakuna sa mga miyembro sa indigenous communities sa Marilog batok Covid-19. Una ng gibutyag ni Mayor Sara Duterte-Carpio nga aduna pay hagit kung hisgutan ug paghatag ug bakuna sa mga indigenous communities ug kinahanglan nga masolusyonan kini sa siyudad aron nga maangkon ang herd immunity ayha matapos ang kasamtangan nga tuig.
Una ng nangayo ang lokal nga kagamhanan ug tabang sa Public Safety Security Command Center aron lamang masiguro nga hapsay ang vaccination program sa mga hilit nga lugar sa dakbayan.
Mahinungdanon sumala pa nga mosugot ang mga residente sa Marilog nga magpabakuna aron nga daghanang mga lumad ang mosunod usab niini.
Kahinumduman nga daghanan gihapon nga mga residente nga anaa sa bukiron nga dapit sa dakbayan ang dili pa magpabakuna gumikan sa ilang tinu-ohan ug gihambilin nga balatian.
