DAVAO CITY – Gipasabot sa lalawigan sa Davao Occidental kung nganong pabilin nila nga gi-require ang negative reverse transcription-polymerase chain reaction (RT-PCR) test result alang sa mga non-residents ingon man kadtong wala nanarbaho sa probinsiya.
Kahinumduman nga bisan nga gipailalom na karon sa Alert Level 2 ang lalawigan, pabilin sumala pa nila nga ipatuman ang Executive Order (EO) No. 28 nga gilagdaan ug gi-isyu ni Governor Claude Bautista.
Gikanayong sakop niini ang mga returning residents sa Davao Region nga mga non-authorized persons outside residence (Apor), non-residents nga adunay essential travels ug tourists.
Sumala pa kang Provincial Information Officer Oscar Casaysay, kinahanglan nga ang i-presenta nga RT-PCR test result ang gikuha sulod sa 72 ka oras ayha kini tugtan nga makasulod sa utlanan sa lalawigan.
Laraw sumala pa sa maong lakang nga dili na subling mosaka ang kaso sa covid-19 sa lugar ilabi na nga limitado lamang ang ilang mga pasilidad.
Sa kasamtangan ang Davao Occidental Provincial Hospital ang gipailalom sa renovation, hinungdan nga nagkulang na sab ang intensive care unit (ICU) beds.
Kini sumala pa ang resulta nga adunay pipila ka mga critical ug severe Covid-19 patients nga i-transport sa Southern Philippines Medical Center (SPMC) ning siyudad. Gikanayong ang mga Returning residents ang i-require nga magdala ug vaccination card.
