DAVAO CITY – Bugtong ang Davao Del Sur lang ang wala nakatala og bag-ong kaso sa COVID-19 sa Davao Region kagahapong adlawa.
Sa ulahing datos gikan sa Department of Health 11 as of November 15, 2021, 30 ang natalang bag-ong kaso, 183 ang recoveries, ug 15 ang namatay. Anaa sa 1,612 ang kasamtangang aktibong kaso sa tibuok rehiyon.
Sa mga bag-ong kaso, 11 ang gikan sa Davao Del Norte, 10 sa Davao City, lima sa Davao de Oro, tulo sa Davao Oriental, ug usa sab sa Davao Occidental.
Sa mga bag-ong recoveries, pinakadaghan ang gikan sa Davao de Oro nga nakatala og 60 recoveries, 49 sa Davao City, 43 sa Davao del Norte, 18 sa Davao Occidental, 10 sa Davao del Sur, ug tulo sa Davao Oriental.
Sa 15 ka mga namatay, usa ang newly reported gikan sa Davao City ug duha sa Davao de Oro, samtang late reported deaths ang siyam gikan Davao del Norte, duha sa Davao Occidental, ug usa sa Davao de Oro.
Anaa na karon sa 103,700 ang kinatibuk-ang ihap sa mga kumpirmadong kaso sa COVID-19 sa tibuok Davao Region.
