DAVAO CITY – Naglusad na karon ug internal investigation aron nga masubay ang tinuod nga panghitabo sa controversial nga drug raid atol sa gipahigayon nga party sa usa ka resort sa Pindasan, Mabini, Davao de Oro sa milabay nga Nobyembre 6 diin pipila ka mga indibidwal ang nadakpan kalakip na Davao City Information Office (CIO) chief nga si Jefry Tupas ug boyfriend niini.
Sumala pa kang Aileen T. Lovitos, director sa Philippine Drug Enforcement Agency (PDEA)-Davao, kalakip sumala pa sa ilang giimbestigahan sa kasamtangan si CIO chief Jefry Tupas.
Sumala pa kang Lovitos nga naglaum sila nga pinaagi sa ipahigayon nga inquiry mahatagan ug katin-awan ang espekulasyon kung gayud ang nahitabo dihang gilusad ang operasyon sa mga personahe sa PDEA, National Bureau of Investigation (NBI)-Davao, ug kapulisan sa probinsiya.
Wala pa gibutyag sa opisyal nga pila ang ihap sa mga team nga nagpahigayon ug inquiry ug pila sab kadtong nahimong kabahin sa operasyon nga subject sa inquiry.
Gipasalig sab ni Lovitos nga ang resulta sa imbestigasyon ang ipagula ayha matapos ang kasamtangan nga tuig.
Wala sab gibutyag niini ang mga opisyal nga nanguna sa maong operasyon ug pila ka kabuok ang mga nahisgutan.
Mibalibad na sab si Lovitos nga mohatag ug komento sa report nga adunay nakakita kang Tupas ug sa partner niini si Jed Wong atol sa raid.
Una ng migula ang report nga si Tupas ug ang boyfriend ang gidala sa lain nga area sa resorts o gilahi sa uban nga mga partygoers nga nadakpan ug gipaikyas sumala pa ang mga nahisgutan.
Gitino sab sa opisyal nga giplano ang operasyon ug gani aduna matud pay subject sa maong operasyon.
Dili sab mabutyag niini kung kalakip pa sa si tupas sa watchlist sa PDEA-Davao, ilabi na nga ang susama nga listahan ang confidential ug kinahanglan nga i-validate.
