DAVAO CITY – Gi-review na karon ang lokal nga kagamhanan ang guidelines sa Department of Health (DOH) national office alang sa paglakip sa mga bata nga edad 12 anyos hangtud 17 anyos nga walay comorbidities sa vaccination program batok sa COVID-19.
Sumala pa kang Dr. Michelle Schlosser, tigpamaba sa task force, nga mihatag na matud pa ang DOH ngadto sa lokal nga kagamhanan ug direktiba aron nga palapdan pa ang coverage sa pagbakuna sa mga minor de edad nga dili sakop sa priority list A3 o persons with comorbidities.
Sa kasamtangan, wala pa gi-anunsiyo sa lokal nga kagamhanan kung kanus-a magsugod ang rollout sa uban nga mga minor de edad.
Ang ceremonial vaccination sa pediatric A3 population ang una ng gipahigayon kagahapong adlawa sa government-run Southern Philippines Medical Center.
Gitataw sab ni Schlosser nga ang first batch sa minors nga nakadawat ug anti-COVID-19 vaccines mao ang mga anak sa mga frontline workers sa hospital.
Ang vaccination sa uban nga mga comorbidities ang magsugod sa Nobyembre 3 sa Davao Doctors Hospital, Metro Davao Medical ug Research Center, and Seamen’s Hospital.
