DAVAO CITY – Nanghinaut karon ang ahensiya sa Department of Education (DepEd)-11 nga paminawon ang ilang hangyo nga ikonsidera ang pipila ka mga tulonghaan sa Davao region sa pagsugod sa Face to face classes sa Nobyembre 15, 2021.
Una ng gibutyag ni DepEd-Davao Spokesperson Jenielito Atillo nga adunay walo ka mga tulonghaan sa Davao region ang kabahin sa 77 ka mga tentative schools nga kabahin sa limited F2F classes.
Sa kasamtangan gihan-ay na nila ang ilang hangyo pinaagi sa pagpadala sa ilang apela ngadto sa buhatan ni Education Secretary Leonor Briones alang sa paglakip sa mga piniling tulonghaan sa dakbayan.
Sa kasamtangan wala una gihinganlan ni Atillo ang nahisgutan nga mga tulonghaan sanglit kinahanglan pa kini nga isapinal ug isumite kang Pangulong Rodrigo Duterte kinsa maoy mo-apruba niini.
Hinuon gikanayon ni Atillo nga sagad sumala pa sa nahisgutan nga mga tulonghaan ang nahimutan sa mga hilit nga lugar sa Davao region.
Una ng nasayran sa opisyal nga adunay lain pagahimuon nga screening ug posibleng kalakip niini ang lima ka mga tulonghaan dinhi sa dakbayan ug tulo ang gikan sa lain nga areas.
Ang pagpahigayon ug limited F2F classes ang pinasikad sa DepEd guidelines diin tugtan lamang kadtong mga tulonghaan nga ubos ang transmission sa covid-19.
