DAVAO CITY – Nakadawat karon ang Davao region ug dugang 1,071,720 doses sa anti-COVID-19 vaccines gikan sa US-based Pfizer-BioNTech.
Sa nahisgutan nga ihap, 994,500 doses ang pinakadakong shipment sa bakuna sulod lamang sa usa ka adlaw sukad nga nagsugod ang rollout niini sa milabay nga Marso 5 ug 77,220 ang nahatud kagahapong adlawa.
Sumala pa kang Department of Health (DOH) regional director Annabelle Yumang nga ang delivery sa nahisgutan nga tambal ang makonsiderang lain nga milestone batok sa COVID-19, nga usa sa epektibo nga lakang aron nga modaug batok sa pandemiya.
Gitataw sab n Michelle Lang-Alli, health director sa US Agency for International Development, nga anaa sa 994,500 doses ang gihatud sa Cebu ug Davao nga susamang mga lugar sa nasud nga adunay taas nga kaso sa COVID-19.
Gikanayong ang delivery sa life-saving vaccines ang gipangunahan sa US Government kaabag ang COVAX Facility.
Naningkamut karon ang US government kaabag ang stakeholders karong panahon sa pandemiya aron lamang protektahan ang panglawas ug mapalig-on ang local responses sa COVID-19.
Migahin sumala pa ang US ug kapin P1.9 billion aron lamang suportahan ang pandemic response sa nasod.
