DAVAO CITY – Aduna nay makaatbang si 1st district Cong. Paulo Duterte sa iyang kandidatura kini human nga miduso sa iyang certificate of candidacy ang usa ka negosyante nga si Jamal Ranon Kanan.
Personal nga miduso sa iyang kandidatura ang nahisgutan aron nga magpapili isip kongresista sa unang Distrito.
Sumala sa nahisgutan nga unang higayon niya nga mokandidato sa politika ug kung mahatagan siya ug tsansa, mopanday matud pa siya ug mga balaud nga makatabang sa katawhan sa dakbayan ilabi na sa unang distrito.
Hatagan sumala pa niya ug pagtagad ang sulirans sa kawad-on ug trabaho.
Mipakita si Kanan sa iyang kaandam kun ugaling adunay himuon nga debate tali nila ni pulong.
Una ng nasayran nga usa ka langyaw ang amahan sa nahisgutan samtang pinay usab ang inahan niini.
