DAVAO CITY – Dagsang karon ang daghanang mga tawo sa buhatan sa commission on elections (COMELEC) sa Maysaysay park ning dakbayan.
Kini ang subay na usab sa nagsingabot nga pagtapus sa deadline sa voters registration nga kutob na lamang sa katapusang adlaw sa Setyembre.
Giangkon sa comelec davao nga samtang nagkaduol ang deadline nagka-daghan usab ang mga tawo nga buot magpa-rehistro.
Karong adlawa lamang, gibana-bana nga mokapin sa kinyentos ka mga tawo ang miadto sa buhatan sa comelec.
Gipasalig usab sa comelec nga nasunod ang minimum health protocols sama sa social distancing, pagsul-ob ug facemask, ug face shield.
Na-una nang nanawagan ang comelec sa mga wala pa makaparehistro nga moadto na sa ilang buhatan ug dili na hulaton nga maabtan pa ug deadline.
Subling gitino sa maong buhatan nga kinahanglang himuon sa mga lungsuranon ang katunhod niini sa pagboto isip usaka Pilipino.
