DAVAO CITY – Gumikan sa kaso sa Covid-19 sa mga empleyado, nagpatuman karon ug temporary lockdown ang Department of the Interior and Local Government (DILG) 11 ug temporary lockdown sugod Setyembre 7, 2021 hangtud September 10, 2021.
Tumong niini nga makapahigayon ug disinfection sa nahisgutan nga buhatan. Gikanayong ang operasyon sa buhatan magpadayon sa Setyembre 13, 2021.
Kahinumduman nga ubay-ubay na nga mga buhatan sa kagamhanan ang gipailalom sa granular lockdown gumikan sa nagkataas nga ihap sa mga empleyado nga nangatakdan sa virus.
Ulahi niini ang buhatan sa City Assessor’s Office ingon man sa Hall of Justice ning dakbayan nga gipailalom sa total lockdown.
Hinuon gipasalig sa mga apektado buhatan nga dili maapektohan ang ilang operasyon. Magpatuman sab sugod karong adlawa ug lockdown sa Magsaysay Park Swab Center sugod karong adlawa.
Sa mga mopailalom sa swabbing ilalom sa @safedavao clients mas maayong moadto sa Crocodile Park Swab Site diin abli kini matag lunes hangtud biyernes sugod 8:00 sa buntag hangtud na sa 11:30 sa buntag.
