DAVAO CITY – Dili usa mahinayon ang pagbisita ni PNP Chief Police General Guillermo Eleazar sa Police Regional Office XI karong Lunes, Setyembre 6.
Gisibog kini sa Setyembre 27 ug 28, apan tentative schedule pa gihapon kini.
Sumala sa tigpamaba sa PRO XI nga si Police Major Eudisan Gultiano, adunay scheduled activities ug prior commitments nga tambungan ang Hepe sa PNP nga natunong usab sa orihinal nga petsa sa iyang pagduaw sa ilang buhatan.
Makapangandam pa usab sulod sa pipila ka semana ang PRO XI alang sa pagbisita ni Eleazar, bisan pa man gilugwayan sa lokal nga panggamhanan sa Dakbayan sa Davao ang pagdili sa face-to-face non-essential activities sa mga buhatan ilalom sa Gobyerno hangtod na sa katapusang adlaw sa 2021, pinaagi sa Executive Order 43.
Hinuon, mamahimo silang maka-apply og exemption alang sa pagpatigayon sa nasangpit nga event.
Kung aprubahan sa Davao City LGU ang exemption, nagpasalig ang PRO nga mapatuman nila ang health protocols aron malikayan ang COVID-19 infections sa mismong event.
