DAVAO CITY – Dili sama sa milabay nga mga katuigan, paghalad lamang ug bulak ug pag-ampo ang gipahigayon sa Roxas Avenue dungan sa paghinumdom sa Roxas night market bombing kaniadtong 2016.
Gipangunahan ni Mayor Inday Sara Duterte-Carpio ang paghalad ug bulag isip paghatag ug respeto sa mga mipanaw sa duguon nga insidente.
Kahinumduman nga walay gipahigayon nga santos nga misa sa lugar kini tungod pa gihapon sa nagpabilin nga bahad sa covid-19. Sa kasamtangan, gipalig-on pa karon sa otoridad sa dakbayan ang mga lakang aron nga dili na subling mahitabo ang susama nga insidente.
Usa sa ilang nahimong lakang sukad nga nahitabo ang pagpamomba mao ang pag-adopt sa culture of security sa publiko partikular na ang kampanya nga “Kapag May Nakita, Dapat Magsalita!” kini aron nga mahatagan gilayon ug aksiyon ang mga dautan nga elemento nga planong molusad ug kagubot.
