DAVAO CITY – Subling nanawagan karon ang ahensiya sa Land Transportation Office-Philippines (LTO) sa mga nanag-iya ug motorsiklo sa Davao region nga kuhaon na ang ilang mga plate number.
Sumala sa ahensiya nga ang available nga plate number mao kadtong mga nakarehistro sukad Enero 1 hangtud Mayo 24, 2018 ug Hulyo 23 hangtud na sa Setyembre 12, 2018.
Kinahanglan lamang sumala pa nga magdala ang mga nanag-iya ug motor ug photocopy sa ilang certificate of registration ug official receipt.
Samtang kadtong sugu-on lamang nga magpakuha sa ilang plate number kinahanglan lamang sumala pa nga magdala ug authorization letter ug photocopy sa valid ID card sa naka-rehistro nga nanag-iya sa unit.
Gipasalig sa ahensiya nga i-release gilayon sa LTO ang mga plate sa sakyanan ug motorsiklo nga kasamtangang anaa na karon sa ilang buhatan.
Kahinumduman nga daghanang motorsiklo ang mireklamo gumikan kay milungtad na lamang ug pipila ka tuig wala pa gihapon nila nadawat ang ilang mga plate number.
