DAVAO CITY – Subling nagpahimangno ang Davao City COVID 19 Task Force sa mga nanag-iya ug establisyemento sa siyudad nga wala nagpahigayon ug pag-scan sa DQR-code sa ilang mga customer.
Gikanayong ang nahisgutan sumala pa nga mga gambalay ang wala naga-scan ug DQR sa entrance ug exit nga mahinungdanon aron nga daling mapahigayon ang contact tracing ilabi na kung adunay mga costumer nga nagpositibo.
Una ng gibutyag ni Spokesperson Dr. Michelle Schlosser nga mamahimong makamulta ang mga establisyemento nga dili motamud sa nahisgutan nga kamandoan sanglit adunay gipatuman nga ordinansa kalabot niini.
Gitataw sab ni Schlosser nga ang DQR scanning kalabot lamang sa mas gipalig-on nga expanded contact tracing sa siyudad aron nga mapugngan ang padayon nga pagsaka sa mga natakdan sa virus.
Samtang una na sba na sab nga gipasigarbo sa opisyal nga miubos na karon ang transmission sa virus sulod sa mga nagkadaiyang opisina sa siyudad kini tungod sumala pa sa malampuson nga pag-lockdown sa mga establishment nga nakatala ug mga kaso sa COVID 19 ngadto sa ilang mga empleyado.
Sa kasamtangan, misaka sumala pa ang kaso sa mga natakdan sulod sa ilang mga panimalay.
Sa kasamtangan, gipakusgan sumala pa nila karon ang household lockdown ilabi na nga ubay-ubay ang migawas sa mga panimalay aron nga manarbaho ug daghanan ang makahimamat.
Sa kasamtangan, hugtanon ang kamandoan ngadto sa mga security cluster ug barangay quick response team nga kinahanglan pahugtan pa nila ang subay sa mga panimalay nga adunay nagpositibo sa virus aron nga mapatuman gilayon ang lockdown ug mapugngan ang lihok sa mga tawo.
