DAVAO CITY – Gipangandaman na karon sa lokal nga kagamhanan ang pagbakuna sa mga Muslim Communities sa siyudad kini pinaagi sa Mobile Vaccination.
Himuon sumala pa kini sa lima ka mga proposed sites. Una ng gibutyag ni City Covid-19 Task Force spokesperson Dr. Michelle Schlosser nga ang nahisgutan nga lakang tipik lamang sa naunang hangyo sa mga miyembro sa Muslim communities sa siyudad.
Sa kasamtangan, nakiglambigit na matud pa ang vaccination cluster alang sa vaccination drive ug motamud sila sa Muslim religious practices.
Pakusgan karon sa siyudad ang sectoral vaccination aron nga dali sab nga maangkon ang target sa mga indibidwal nga mabakunahan.
Nakiglambigit na sba karon ang city vaccination cluster sa mga organisadong grupo alang sa pagbakuna sa mga priority groups.
