DAVAO CITY – Gipasalig sa ahensiya sa Bureau of Customs (BOC). Philippine Drug Enforcement Agency (PDEA) ug Philippine Coast Guard (PCG) nga pahugtan pa nila ang ilang joint surveillance inspection sa maritime areas sa Davao City Gulf paingon na sa Davao Oriental.
Kahinumduman nga una ng nagpahigayon ug joint surveillance inspection ang mga nahisgutan sa pagpanguna sa Bureau of Customs-Port sa maritime areas sa Davao City Gulf paingon sa Mati, Davao Oriental kaabag ang Philippine Coast Guard (PCG)-Task Force Aduana ug Philippine Drug Enforcement Agency (PDEA) Regional Office XI-Seaport Interdiction Unit.
Tumong niini nga mapalig-on pa ang border security measures batok sa smuggling sa illegal nga druga ug uban pang klase sa mga ginadili nga butan nga posibleng ipayuhot sa areas of responsibility sa Collection District XII.
Kalakip sa gihimo sa grupo ang pagmonitor sa lihok sa mga nagkadaiyang vessels ingon man pagpahigayon ug boarding inspection aron nga masubay ang mga posibleng pagpayuhot sa mga smuggled goods ug uban pang klase sa customs fraud. Sa ulahing pagpanubay sa boarding inspection, negatibo sa smuggling o bisan unsa man nga illegal activities.
Magpadayon a bang BOC Davao sa hugtanon koordinasyon sa ilang mga ka-partner nga enforcement agencies sa pagpahigayon ug susama nga mga aktibidad sa pagpanguna ni District Collector, Atty. Erastus Sandino Austria ug Commissioner Rey Leonardo Guerrero kini pinaagi international best practices on revenue collection, border protection ug trade facilitation.
