DAVAO CITY – Padayon karon ang panawagan sa ahensiya sa Department of Health-Davao Region (DOH-Davao) ngadto sa mga inahan nga nagapasuso sa ilang anak nga magpabakuna aron nga mabalhin gikan niini ang benepisyo sa bakuna ngadto sa ilang mga anak.
Una ng gibutyag ni Dr. Raquel Montejo, DOH-Davao Local Health Support Division chief, nga kung ang usa ka inahan nga nagpasuso sa iyang anak ang nakapailalom na sa pagbakuna, momugna sumala pa ang Covid-19 vaccine ug antibodies ug mamahimo kini nga mapasa ngadto sa ilang mga anak pinaagi sa breastfeeding.
Gipasabot ni Montejo ang kamahinungdanon sa pagpabakuna aron nga magbaton ug igong proteksiyon ang ilang mga anak nga gikonsidera nga delikado sa nahisgutan nga disease.
Gitataw sab sa health official nga ang mga breastfeeding mothers nga symptomatic mamahimong pa gihapon nga makapasuso sa ilang anak basta kay magsuot lamang kini ug face masks ug face shields.
Gipasabot niini nga luwas ang bakuna alang sa buntis nga mga babaye apan kinahanglan nga himuon kini atol sa iyang ikaduha ug ikatulo nga trimester.
