DAVAO CITY – Padayon karon ang panawagan sa lokal nga kagamhanan ngadto sa mga nagpabakuna nga tumanon ang petsa sa ikaduhang dose sa anti-covid vaccine ug kinahanglan nga mobalik sa mga vaccination site.
Tipik lamang kini human nga nagpabilin karon nga hagit sa lokal nga kagamhanan ang ihap sa mga nagpabakuna nga dili na mobalik sa ilang ikaduha nga dose butang nga mamahimo lamang nga kawang ang unang dose sanglit dili hingpit nga maangkon niini ang igong proteksiyon batok sa kagaw.
Sa kasamtangan okupado ang dakbayan sa kampanya o pag-awhag sa mga dabawenyo nga kinahanglan dili lat-angan ang bakuna ug kinahanglan nga kompletohon ang duruha ka dose niini.
Mas maayo sumala pa kung sa gitakda mismo nga petsa moadto sa mga vaccination site.
Gihimo ang nahisgutan nga lakang aron nga daling maangkon sab sa siyudad ang target nga ihap sa mga bakunahan ingon man ang herd immunity.
