DAVAO CITY – Nadungagan pa karon ang ihap sa mga Overseas Filipino Workers (OFWs) nga nagpositibo sa covid-19 diin kalakip pa gihapon ang mga nahisgutan sa mga miabot sa siyudad gikan sa Dhaka, Bangladesh.
Sumala sa City Tourism Office nga ang mga bag-ong kaso ang kabahin sa 10 ka mga returning OFWs nga miabot sa siyudad sa milabay nga semana.
Una ng gibutyag niCity tourism officer Generose Tecson, nga nagsilbi sab karon isip head sa Airport Monitoring Team, nga bag-ong tulo ang nadugang sa mga nagpositibo sa returning OFWs nga gikan sa Dhaka, Bangladesh.
Kahinumduman nga una ng gibutyag ni Davao City Mayor Inday Sara Duterte-Carpio nga anaa sa 10 OFWs ang nagpositibo sa Covid-19 diin tulo niini ang gikan sa Dhaka ug pito ang gikan sa Dubai.
Laoman sumala pa nga madungagan pa ang mga repatriates mga mopuli dinhi sa dakbayan karong bulan sa Agosto.
Gikanayong pabilin pa gihapon karon nga mandatoru ang quarantine bisan pa man nga fully vaccinated na ang usa ka pasahero.
Gitataw sab niini nga tanan nga mga international travelers nga nag-quarantine sa siyudad ug kinahanglan nga mopailalom sa reverse transcription-polymerase chain reaction (RT-PCR) test pito ka adlaw himan ang ilang pag-abot kini subay na sab sa “test before” policy sa lokal nga kagamhanan ilalom sa Ordinance No. 0477-21 alang sa inbound passengers apan applicable sab kini sa mga pasahero sa repatriation flights.
Kinahanglan nga mag-presenta ang mga pasahero sa incoming flights ug negative RT-PCR test result nga gikuha sulod sa 24 ug 72 ka oras ayha ang biyahe niini paingon dinhi sa dakbayan.
