DAVAO CITY – Gipasalig sa Bureau of Customs-Port of Davao nga magpadayon ang ilang hugtanon nga inspeksiyon batok sa mga illegal nga kargamentos nga planong isulod sa dakbayan.
Kahinumduman nga narekober sa otoridad ang 40-footer containers nga gi-undan ug imported nga sibuyas nga kantidad sa P4.9 million.
Una ng nasayran sa ahensiya nga una na matud pa kini nga gideklarang 2,500 packages nga pastries gikan sa China.
Miabot sumala pa ang nahisgutan nag kargamentos sa TEFASCO Wharf sa milabay nga semana.
Gikanayon ni District Collector Lawyer Erastus Sandino B. Austria nga nag-isyu na sila ug Warrant of Seizure and Detention (WSD) batok sa consignee gumikan sa paglapas sa Section 1400 “Misdeclaration of Goods Description” ilalom sa Republic Act No. 10863 o mas nailang Customs Modernization and Tariff Act (CMTA).
Gipasalig ni Austria nga ipadayon sa Customs Davao nga hugtanon nga kampanya batok sa illegal nga pagpayuhot ug imported goods sa nasod diin kaabag nila ang uban nga enforcement agencies.
