DAVAO CITY – Gibutyag ni Assistant City Administrator Atty. Tristan Dwight Domingo nga gihan-ay na karon sa lokal nga kagamhanan ang pagpatuman sa High Priority Bus System (HPBS).
Sumala pa sa nahisgutan nga sukad Setyembre sa tuig 2019 hangtud na karong panahona, gihan-ay na sa lokal nga kagamhanan ang transport modernization ug gani layo na matud pa ang naabtan sa maong plano.
Kalakip sa ginatun-an ang mamahimong epekto niini sa mga driver ug dyip ug ang hinabang nga ihatag ngadto kanila.
Gitataw sab ni Domingo nga plano gayud sa siyudad nga himuon ng bus ang mga pampasaherong sakyanan ug adunay ipahimutang nga mga bus stops diin mamahimong maghulat ang mga pasahero.
Kalakip sab sumala pa sa ginatun-an karon ang interval sa biyahe niini ngadto sa uban nga pampasaherong bus.
