DAVAO CITY – Natala na ang labing unang kaso sa African Swine Fever kon ASF sa lungsod sa Nabunturan, probinsya sa Davao de Oro.
Ang nahisgutang kaso sa makamatay nga virus sa baboy, natala kini sa usa ka babuyan sa Barangay Anislagan sa maong lungsod.
Sumala sa lokal nga panggamhanan sa Nabunturan, nag-report kanila ang tag-iya sa babuyan nga kalit lang nga nangasakit ug nangamatay ang ubay-ubay sa iyang mga binuhing baboy.
Nakumpirma usab sa sa Provincial Veterinary Office nga adunay ASF ang maong mga baboy human magpositibo ang mga test results niini.
Nasuta usab sa Municipal Agriculture Office nga ang babuyan duol sa napulo ka mga farm ug adunay 45 ka mga baboy sulod sa 500 meter radius. Ipatuman sa Department of Agriculture ang 1-7-10 rule.
Nagpasabot kini nga ang tanang baboy sulod sa 1 kilometer radius, i-depopulate.
Hugtanong surveillance, restricted movements, ug blood testing ang ipatuman sa mga baboy nga anaa sulod sa 7 kilometer radius.
Mandatory monitoring ug reporting usab sa mga sintomas sa ASF ang ipatuman sa mga baboy nga anaa sa 10 kilometer radius gikan sa index case sa AS
