DAVAO CITY – Mukabat na ngadto sa 52,038 ka mga indibidwal ang na fully vaccinated na batok COVID-19 sa Dakbayan sa Davao.
Sa maong ihap, 27,247 ang gikan sa A1 priority group kon mga healthcare workers. 13,072 na sab ang fully vaccinated gikan sa A2 priority group kon senior citizens.
Sa A3 priority group kon persons with comorbities, 11,579 na ang nakadawat og duha ka dose sa COVID-19 vaccine.
Ang A4 group kon frontline workers in essential sectors nga adunay gipahigayon usab nga sectoral vaccinations alang kanila, wala pay nakadawat og second dose.
Apan, ang A5 group kon Indigent Population o mga kabus, 140 na ang nakadawat sa second dose sa bakuna batok COVID-19. Samtang, mukabat na sab ngadto sa 248,283 individuals ang nakadawat na og unang dose sa COVID-19 vaccines.
Padayon gihapon ang vaccination rollout sa Dakbayan, diin ginalauman usab nga sa bulan sa Nobyembre, makab-ot na sa Davao City ang herd immunity.
