DAVAO CITY – Mapasalamaton si City Health Office (CHO) acting head Dr. Ashley Lopez nga nagkataas karon ang ihap sa mga dabawenyos nga buot magpabakuha sukad nga gisugdan kini sa siyudad kaniadtong bulan sa Marso ning kasamtangan nga tuig.
Sumala pa kang Lopez nga ang lokal nga kagamhanan, maka-cater matud pa ug 10,000 vaccinees matag adlaw nga average basta kay adunay bastante lamang nga supply sa bakuna.
Gani mayorya sumala pa sa mga nagpabakuna ang nakasinate lamang ug mild nga adverse effect.
Samtang una ng gibutyag sa Davao City Vaccination Cluster nga kapin na sa 238,000 doses ang nabakuna sa mga indibidwal nga ilalom sa A1 Category Priority Group hangtud A5.
Subli sab nga nanawagan ang lokal nga kagamhanan sa mga anaa sa priority categories sa health workers, senior citizens, persons with comorbidities, ug economic workers nga magpabakuna ug kompletohan ang gikinahanglan nga numero sa doses sa gitakda nga schedule.
