DAVAO CITY – Nadakpan na sa hini-usang pwersa sa kasundaluhan ang usa sa mga responsable sa pag-ambush sa mga sakop sa 66th Infantry Battallion Philippine Army niadtong Mayo-30 sa Brgy Badas, Mati city nga gikasamad sa usa ka sundalo.
Na-ilhan ang dinakpang NPA nga si Arjie Mahinay, 20 anyos ug sakop sa Guerrila front 18 sub-regional 2 command sa New Peoples Army.
Nakuha sa position sa nahisgutan ang usa ka hand grenade, solar panel ug mga armas nga gilangkuban sa duha ka m16 armalite rifles, usa ka garand ug usa ka AK-47.
Gikabutyag nga kabahin ang dinakpan sa napulo ka tawo nga mihimo sa pagbanhig sa usa ka grupo sa mga sundalo nga mibyahe sa national highway, hinungdan nga ubay-ubay sa mga sakyanan ang natanggong niadtong panahuna samtang gigukod sa mga sundalo ang mga mi-eskapong NPA
