DAVAO CITY – Gikatakdang mopalit ang Department of Health region 11 ug dugang ultra low temperature freezer aron himuong storage sa mga bakuna nga nagkinahanglan lamang ug low temperature.
Gikanayon ni DOH 11 regional director Annabelle Yumang, ang nahisgutang mga freeze ang ipang-apod-apod usab sa nagkadaiyang mga ospital ug mga pasilidad latas sa rehiyon alang sa nagpadayong vaccination program batok covid 19.
Bugtong ang DOH 11 ug ang SPMC lamang ang mga pampublikong pasilidad ang adunay ultra low temperature freezer sa davao region.
Samtang, Kaganinang alas 6:05 sa buntag lamang moabot usab sa 53,840 doses sa Sinovac CoronaVac vaccines ang miabot sa Davao Internationl Airport pinaagi sa Philippine Airlines commercial flight.
Ang nahisgutang mga doses sa bakuna ang gamiton alang sa second dose sa mga A1 hangtud A3 priority groups sa tibuok davao region.
Sa pikas bahin, gikanayon ni DILG 11 Regional director Alex Roldan nga nagpadala na sila ug advisory sa mga LGUs sa rehiyon nga magdugang ug mga vaccination sites gumikan kay lauman nga mamahimong paspas na ang pagbakuna sa mosunod nga bulan gumikan kay seguradong sunod-sunod na ang pag-abot sa mga covid vaccine alang sa rehiyon ug mgasugod na usab ang pagbakuna sa mga naa sa A4 category.
Sa karon aduna nay 3,284 ka mga vaccination sites sa tibuok region 11.
