DAVAO CITY – Gibutyag sa Public Safety and Security Command Center (PSSCC) nga adunay kapin 7,000 ka mga kaso ang naduso nila batok sa mga violators sa COVID-19 standard health protocols, community quarantine guidelines, ug executive orders sa siyudad.
Sumala pa kang PSSCC chief, Retired Police Lt. Colonel Angel Sumagaysay mikabat sa 73,440 violators ang nasikop sugod Mayo 16, 2020 hangtud na sa Hunyo 19, 2021 dinhi sa siyudad.
Gikanayong ang mga Face mask violators ang nag-una sa listahan nga anaa sa 26,176.
Gikan sa 24,625 sa milabay nga adlaw, adunay 1,551 ka mga indibidwal ang nasikop sulod lamang sa unom ka adlaw hangtud Hunyo 19.
Ikaduha sa listahan ang face shield violators, nga adunay kinatibuk-ang 17,425 o adunay pagsaka nga 2,449 gikan sa Hunyo 13 nga record nga anaa sa 14,976.
Ikatulo niini ang wala pagtamud sa social distancing/mass gathering protocol nga mikabat sa 17,274. Gikanayong misaka ang nahisgutan ug 1,459 o mas mitaas sa 15,815 nga natala niining milabay nga Hunyo 13.
Anaa sab sa 960 ang curfew violators nga nasikop o adunay pagsaka nga 11,108 gikan sa 10,148 nga natala sa ulahi nga report.
Adunay dyutay nga pagsaka sa Liquor ban violators nga nadungagan ug 22 sukad Hunyo 14 diin gikan sa 699 anaa na sa 721 as of June 19 samtang 232 ang nasikop gumikan sa wala pagtuman sa community quarantine protocol o migawas nga dili essential hinungdan nga anaa na kini karon sa 592 gikan sa 360.
Samtang ang mga Fake RT-PCR violators misaka na karon sa 136.
Ang nahisgutan nga ihap ang dyutay nga misaka gikan sa 132 kaniadtong June 13. Samtang gikan sa August 1, 2020 hangtud Hunyo 19, anaa sa 1,899 ka kaso ang naduso gikan sa 7,455 ang nadakpan gumikan kay walay barrier ang ilang pagsakay sa motorsiklo.
