DAVAO CITY – Wala gipadaplin sa lokal nga kagamhanan ang posibilidad nga posibleng adunay lain nga klase sa covid 19 variant nga nakasulod sa siyudad nga maoy hinungdan sa paspas nga pagsaka sa kaso niini.
Una ng gibutyag ni Davao City Mayor Inday Sara Duterte-Carpio nga pipila sa mga hinungdan sa pagsaka sa virus ang kanunay nga paggawas ug wala pagtamud sa health protocols.
Gani gikanayon sab niini nga nakatampo sab sa pagsaka sa ihap sa mga natakdan ang wala pagsuot ug facemask samtang anaa sulod sa panimalay.
Una na sab nga gitino sa Mayor nga bisan daghanan ang natalang kaso sa mga workplaces, padayon sumala pa nga gimonitor ang mga establisyemento ingon man mga opisina sa siyudad.
Wala pa sab nadesisyonan karon ang subling paggamit ug Food and Medicine pass bisan pa man nga ubay-ubay ka mga residente ang mogawas bisan nga dili kini essential.
