DAVAO CITY – Nangandam na karon ang Philippine Genome Center (PGC)-Mindanao alang sa pagsugod sa ilang operasyon karong bulan sa Hunyo. Kahinumduman nga kung masugdan na ang ilang operasyon sa genomic sequencing dili na sumala pa dad-on sa kaulohan ang confirmed Covid-19 specimens alang sa confirmatory test sa new variant.
Una ng gibutyag ni PGC-Mindanao Director Dr. Lyre Anni Murao nga ang operasyon sa sequencing hub maoy tubag sa bag-ohay nga pag-detect sa bag-ong Covid-19 variants sa pipila ka bahin sa Mindanao nga adunay kasamtangang pagsaka sa kaso sa tibuok isla ilabi na dinhi sa dakbayan sa Davao.
Pinaagi niini, makunhuran na ang specimens nga gi-proseso sa main office sa PGC sa Metro Manila bisan paman nga pipila sa specimens ang kinahanglan pa gihapon nga dad-on sa kaulohan.
Gikanayong ang PGC-Mindanao mo-cater sa samples gikan sa tibuok Mindanao pinaagi sa paghatag ug “wider scopesa sequencing” sa Covid-19 specimens dinhi sa isla.
Gitataw sab ni Murao nga adunay katakos ang genomic sequencing sapagsubay sa Sars-CoV-2 variant ug mamonitor niini kung adunay kabag-ohan o magbaton ug bag-o nga klase sa variants.
Laraw sab niini nag tun-an kung paunsa magbag-o ang characteristics sa virus ug gamiton ang maong impormasyon nga mapalambo pa ang pagsabot ug mamahimong epekto niini sa panglawas.
