DAVAO CITY – Gitambagan ang publiko nga bisan wala nay natala nga kaso karon sa African Swine Fever (ASF) ang Davao region, angayan nga dili pa gihapon mokumpiyansa ug himuon pa gihapon ang mga tukma nga lakang aron nga dili na kini subli pa nga makasulod ug makaapekto sa panginabuhian sa mga hog raisers.
Sumala pa kang Dr. Armie Capuyan, ASF Focal person, mas maayo sumala pa nga ipabilin pa gihapon ang mga lakang aron nga malikayan nga makatala ug susama nga kaso sama sa pagpahimutang ug foot bath ug uban pang mga sumbanan.
Daku pa gihapon ang posibilidad nga makatala pa gihapon ug ASF ang Davao region sa higayon nga dili mag-doble amping ang mga hog raisers.
Kinahanglan sumala pa nga likayan ang pagpakaon ug lamaw sa mga alagang baboy sanglit usa sumala pa kini sa mga hinungdan sa virus.
