DAVAO CITY – Human ang kalit nga pagsaka sa covid-19 positive cases sa Baganga, davao oriental gipatuman na ang istriktong quarantine protocols sa municipalidad partikular na sa Brgy Kinablangan.
Gumikan sa maka-alarma nga pagsaka sa ihap sa mga nataptan sa virus, nadesisyonan sa task force on covid-19 sa munisipsyo ug sa probinsya nga ipailawom ang munisipyo sa general community quarantine samtang gihulat na laman ang pormal nga approval sa Regional Task Force for the management of emerging infectious deseases-XI.
Subay sa gipagula nga datos, adunay usa ang gikataho nga namatay ug 39 ang aktibo nga kaso sa virus sa municipalidad sulod lamang sa 5 ka adlaw.
Gimandoan usab sa LGU Baganga nga ipasirado una ang usa ka sikat nga tourism destination nga Poo Sandbar tungod kay sagad kining ginadagsa sa mga daghang turista. Bawal na usab nga mobisita ang mga turista sa maong lugar bisan pa man og naka booking na kini sila.
Ilawom sa GCQ, gilimitahan ang bisan unsang mga aktibidades gawas sa panimalay ingon man ang pagsulod ug gawas sa munisipyo kung dili kini mahinungdanon sama sa emerhinsiya o may kalabotan sa mga aktibidad batok covid-19.
