DAVAO CITY – Sugdan na karong adlawa ang subling pagpapailalom sa dakbayan sa Davao sa Modified Enhanced Community Quarantine (MECQ) human ang padayon ang padayon nga pagsaka sa kaso sa Covid-19 sa siyudad.
Una ng gibutyag sa Davao City Police Office (DCPO) ug uban pang law enforcement unit nga andam na sila sa ipatuman nga MECQ.
Usa sa mga lakang nga himuon karon sa kapulisan ang pagdugang pa ug community control point aron nga mapahugtan o makontrola ang lihok sa mga tawo ug sutaon pag-ayo kung essential ba ang mga lakaw niini.
Laoman sab sumala pa nga dungagan ang ipahimutang nga mga control point sa siyudad diin gikan sa 40 himuon kini ug 49.
Gi-deploy na sab karon ang uban pang mga sakop sa kapulisan aron nga maoy mobantay sa mga control point.
Samtang adunay mga establisyemento nga tugutan pa gihapon nga mangabli apan limitado na lamang kini sa 10 porsyento.
Wala pa sab gibutyag sa lokal nga kagamhanan kung ibalik ang pagpatuman sa Food and Medicine pass ingon man ang No movement matag adlaw nga dominggo.
