DAVAO CITY – Gihan-ay na karon sa lokal nga kagamhanan ang ordinansa nga magpahamtang ug multa sa mga close contacts sa COVID-19 cases nga mobalibad nga mopailalom sa reverse transcription polymerase chain reaction (RT-PCR) test.
Una ng gibutyag ni Dr. Ashley Lopez, acting head sa City Health Office, nga kalakip sumala pa sa maong sugyot ang pagpahamtang ug silot sa first hangtud third generation (F1 to F3) contacts nga mobalibad pagpailalom sa ilang kaugalingon sa swabbing.
Kahinumduman nga ang mga F1 mao ang mga tawo nga expose sa index case, F2 ang close contacts sa F1, ug F3 ang close contacts sa F2. Gitataw sab ni Lopez nga kinahanglan seryosohon sa publiko ang COVID-19 ilabi na nga daghanan na ang apektado karon sa pandemiya.
Una na sab nga gibutyag ni Dr. Michelle Schlosser, spokesperson sa Davao City COVID-19 Task Force, nga plano ng ablihan ang swabbing area sa Magsaysay Park aron nga ma-akomodar ang mga F2, F3 ug DQR-traced persons.
Pinaagi niini, ang Sta. Ana swabbing center mo-cater na lamang ug F1 ug persons with influenza-like illnesses, samtang ang drive-thru swabbing sa Crocodile Park mo-akomodar ug surveillance testing, F2 ug F3 nga wala gihambin nga balatian.
Gikanayong ang matag site mamahimong maka-akomodar ug 700 ngadto na sa 800 ka mga indibidwal matag adlaw.
