DAVAO CITY – Laoman nga mamahimong operational na sa mosunod nga semana ang Los Amigos Covid-19 laboratory human kini na-oktaba kaniadtong bulan sa Enero gumikan kay wala pa nahan-ay ang permit.
Gikanayong gihulat na lamang karon ang proficiency test sa upat ka mga analyst nga ipahimutang sa nahisgutan nga gambalay aron hingpit na nga sugdan ang operasyon niini.
Sa kasamtangan, gipaspasan na matud pa sa City Health Office (CHO) ang pag-proseso niini ilabi na nga okupado karon ang dakbayan sa pagpahigayon ug swab test aron nga masubay gilayon kung si kinsa kadtong nag-positibo sa virus.
Kahinumduman nga ang southern Philippines medical center (SPMC) ug Covid-19 laboratory sa Davao International Airport ang naga-proseso sa mga sample gikan sa mga swabbing area sa siyudad.
Kahinumduman nga duruha ka andanas ang nahisgutan nga gambalay diin ang second floor niini ang magsilbing quarter sa mga personahe.
