DAVAO CITY – Nangandam na karon ang mga personahe sa Davao City Police Office (DCPO) kung mahinayon man ang pagpatuman sa Modified Enhanced Community ugmang adlawa, June 5, 2021.
Usa sa mga lakang nga himuon karon sa kapulisan ang pagdugang pa ug community control point aron masubay pag-ayo ang lihok sa mga tawo ug masayran kung essential ba ang mga lakaw niini.
Sa kasamtangan anaa sa kapin 40 ang control point sa siyudad apan laoman sumala pa nga moabo kini ug halos 50 sa higayon nga ipatuman pagbalik ang MECQ sa dakbayan.
Sumala pa kang Police Capt. Rose Aguilar, tigpamaba sa DCPO, nga bastante ang ihap sa mga kapulisan sa siyudad sa higayon na kinahanglan ug dugang pa nga puwersa aron nga mapahugtan ang seguridad ug mapatuman pag-ayo ang mga polisiya.
