DAVAO CITY – Gipahugtan nga surveillance ang hinungdan sa taas nga kaso sa Davao region partikular na dinhi sa dakbayan sa Davao kagahapong adlawa.
Kahinumduman nga taas ang bag-ong ihap sa Covid-19 cases kagahapon nga anaa sa 448.
Tungod niini, misaka na karon sa kinatibuk-ang 28,504 ang mga natakdan dinhi sa Davao region samtang ang active cases misaka sab sa 3,452.
Ang dakbayan sa Davao adunay pinakataas nga kaso nga anaa sa 338, 56 from Davao del Norte, 18 sa Davao de Oro, 15 sa Davao Occidental, 12 sa Davao Oriental, ug siyam sa Davao del Sur diin susama kini nga mga local cases.
Gikonsidera sab kini nga pinakataas nga bag-ong kaso sulod lamang sa usa ka adlaw sukad nga nagsugod ang Covid-19 pandemic kaniadtong 2020.
Gipasabot sa DOH-Davao nga ang factor sa record-high registered new cases mao ang gipahugtan pa karon nga testing sa mga nagkadaiyang LGUs sa rehiyon.
Nasayran nga anaa sa 4,099 ang gipailalom sa test kagahapon diin 11 porsiento niini ang nagpositibo.
Anaa sab sa 126 ang bag-ong natala nga nakarekober ug 10 ang bag-ong natala nga namatay. Ang total recoveries ug death toll ang anaa na karon sa 23,933 ug 1,119.
