DAVAO CITY – Nanghinaut karon si Mary Grace Fuentes, kapuyo sa gipatay nga si Barangay 9-A Captain Tata Llubit nga mahatag ang hinanali nga hustisya ang suspek nga mipaluyo sa krimen.
Subling gisaysay ni Mary Grace nga pag-uli nila sa ilang balay, nagpakaon si Brgy. Capt. Llubit sa ilang mg iring mideritso siya sa CR hangtud nga nadungog na lamang niya ang lima ka mga sunod-sunod nga mga boto sa armas.
Namatikdan na lamang sumala pa ni Mary Jane nga nagbuy-od ang biktima ug naligo na sa iyang kaugalingong dugo.
Gikanayon sab sa nahisgutan nga wala sumala pa nakahisgot kaniya si Kapitan nga aduna kini nakabangi ug wala sab siyay nakita nga mensahe sa cellphone nga nakadawat kini ug bahad sa kinabuhi.
Kahinumduman nga nagpagula karon ug P300,000 reward si Davao City 1st district Rep. Paulo Duterte ug asawa niini nga si January Duterte alang sa hinanali nga pagkasikop sa suspek.
Ilado ang kapitan sa iyang hugtanon nga kampanya batok sa illegal nga druga ug uban pang kriminalidad sa iyang area of responsibility.
