DAVAO CITY – Plano karon sa lokal nga kagamhanan nga himuong swabbing area ang peoples park ug ang rizal park ning syudad sa dabaw.
Gikanayon ni Dr Ashley Lopez, ang hepe sa city health office nga kasamtangan pa hinuon nilang gnatun-an karon ang maong plano.
Tumong sumala pa niini nga makuhaan ang gidaghanon sa mga tawo nga magpa-swab sa Sta Ana health center ug sa drive thru sabbing area sa crocodile park.
Haum sumala pa ang peoples park gumikan sa kalapad sa espasyo niini ug daghan usab masilungan nga mga punuan sa kahoy, samtang, bag-uhay lamang usab sumala pa nahuman ang renovation sa rizal park nga naa lamang sa downtown area.
Sa pikas bahin, dungan sa pagdugang ug mga swabbing area sa syudad, nangita usab karon ang lokal nga kagamhanan ug dugang mga swabbers nga ipang-deploy sa nahisgutang mga area.
Giangkon ni Lopez nga nakasinati na karon ang syudad ug pagkulang sa mga swabbers gumikan sa nag-anamn ug ka-daghan sa mga ipa-ilalom sa swab test matag adlaw nga halos mokapin na sa 1,500 ka mga tawo.
Gibutyag usab ni Lopez nga sa karon, gihunong una nila ang swab test sa mga PUV drivers sa crocodile park gumikan kay gihatagan una nila ug pagtagad kadtong mga F1 F2 ug F3 o mga nahimong close contact sa mga covid positive patients.
