DAVAO CITY – Gibutyag ni Police Major Jerome De Guzman, hepe sa Mandug Police station nga napasakahan na nila ug kasong murder ang suspek nga si Esteban Sabuang Adang Jr. gitudlong mipatay kang Deby Binarao ang bana sa gikanayong karelasyon sa suspek nga si Gemma Binarao.
Sumala sa opisyal nga gilayon nila nga gipasakahan ug reklamo ang dinakpan ug isunod sab nila nga pasakahan ang asawa sa biktima ug kasong parricide sanglit nanagkunsabo ang mga nahisgutan sa paghimo sa krimen.
Gikanayon ni Pol. Maj. De Guzman nga gihulat na lamang nila ang warrant of arrest nga gipagula sa korte. Pahayag ni Police Major Jerome De Guzman, hepe sa Mandug Police station.
Samtang gibutyag sa suspek nga si Esteban nga adunay kasayuran ang asawa sa biktima sa iyang nahimong krimen gumikan kay anaa kini sa ilang panimalay niadtong panahona.
Gikanayong pugsanon nga misulod sa iyang panimalay ang biktima aron nga sunduon ang iyang asawa nga si Gemma hinungdan nga iya sumala pa kining nahinaykan.
Napatay sa suspek ang biktima pinaagi sa pagtigbas ug pagulgol sa liog niini gamit ang samurai diin iya kining gidala sa may sapa nga bahin.
Gipanghimakak niini nga iyang gipa-anud ang patay’ng lawas ni Deby inay misaka sumala pa ang tubig gidala ang biktima paingon sa Mandug.
