DAVAO CITY – Naglaom karon ang kabanay sa duruha ka mga mananagat kinsa na-missing sukad pa kaniadtong pagkuso-kuso sa bagyong Crising nga unta marekober na ang mga nahisgutan.
Una ng naila ang mga biktima nga sila si Ferdinand Olang, 55 anyos at ana niini nga 22 anyos nga si Glen susama nga residente sa Barangay Kinablangan, Baganga, Davao Oriental.
Kahinumduman nga mangisda unta ang mga nahisgutan dihang gibanlas sila sa mga dagkong balod.
Gikanayon nga naanad na ang kabanay sa mga nahisgutan nga dugay nga mouli ang mag-amahan gikan managat gumikan kay maabot sumala pa ang mga nahisgutan sa baybayon nga sakop sa Indonesia apan sa kasamtangan wala pay impormasyon nga nadawat ang mga nahisgutan kung asa na kini karon nahimutang.
Kahinumduman nga ubay-ubay ka mga mananagat ang una ng gika-report nga na-missing apan nakauli kini sa ilang tagsa-tagsa ka mga pamilya gawas lamang sa mag-amahan. Padayon karon ang gihimong pagpanubay sa mga otoridad.
