DAVAO CITY – Gipahugtan pa karon sa lokal nga kagamhanan ang mga lakang aron masiguro nga manubag gayud sa balaod ang mga planong mosumite ug peke nga mga RT-PCR (reverse transcription-polymerase chain reaction).
Una ng gibutyag ni Davao City Mayor Inday Sara Duterte Carpio nga ang peke nga peke nga RT-PCR results ang mas mahal kung itandi sa lihitimo nga RT-PCR result.
Gikanayong ang mga peke nga RT-PCR result ang anaa sa P1,000-P2,000 apan kung madakpan, ang pasahero kinahanglan nga mokuha pagbalik ug RT-PCR sa Davao International Airport nga kantidad sa P4,500 samtang ang inquest bail ang kantidad sa P6,000 – P40,000.
Subay sa data gikan sa lokal nga kagamhanan, ang kantidad sa RT-PCR test ang anaa sa P2,500 – P4,000 samtang ang Covid-19 Saliva Test gikan sa Philippine Red Cross ang anaa sa P2,000.
Gitin-aw sa Mayor nga ang pag-presenta ug tinuod nga RT-PCR results ang dili na hassle ug masiguto nga ang pamilya sa mga pasahero ang luwas sa COVID-19.
Gani, kung mamahimo dili sumala pa buot sa siyudad nga moduso ug kaso sa mga violators apan wala mahimo ang lokal nga kagamhanan ilabi na nga adunay ordinansa nga giduso ang siyudad kalabot niini.
Kahinumduman nga gimando sa lokal mga kagamhanan ang pag-presenta ug negative RT-PCR test result nga gikuha sulod sa 72 hours ayha ang scheduled flights niini.
