DAVAO CITY – Gipasalig sa Department of Tourism (DOT XI) nga magpadayon ang ilang mga lakang nga buhaton aron subling makabangon ang sektor sa tourismo sa Davao Region nga usa sa naapektuhan sa pandemya.
Diin gibutyag sa DOT XI nga posible sumala pa nga tangtangon ang gihatag nga accreditation sa mga establisyento torismo sa Rehiyon kung ugaling masakpan kini nga wala mituman sa health protocols.
Base sa datus nga gipagula sa ahensya nga anaa na sa dul-an 400 ka mga establisyemento ang nahatagan na og accreditations.
Gitino ni DOT Regional Director Tanya Rabat-Tan nga importante sumala pa nga tumanon sa tourist establisment ang sumbanan batok Covid-19.
Dugang ni Tan nga ang maong sumbahan kini aron dili na matud pa subling musaka ang kaso sa Covid-19 sa rehiyon.
Gikanayon sab sa opisyal nga inay certificate of Authority to operate ang ihatag niini apan accreditation na lamang ang gihatag sa ahensya aron subling maka operate ang pipila ka leisure activities sa rehiyon.
Gawas niini, giangkon sab sa ahensya nga dunay pipila pa ka mga tourism establishments ang wala pa makakuha og accreditation gumikan nga nalisdan matud pa kini sa pagkuha og rekisitos.
